नांदेड विभागाची एप्रिल महिन्यातील तिकीट तपासणीत तब्बल दिडकोटीची वसुली
नांदेड दि.६ मे २६
दक्षिण मध्य रेल्वेच्या नांदेड विभागाने एप्रिल २०२६ महिन्यात तिकीट तपासणीद्वारे ₹१.५० कोटी उत्पन्न नोंदवून एप्रिल महिन्यातील आतापर्यंतचा सर्वोच्च आकडा गाठला आहे. हा आकडा एप्रिल २०२५ मधील ₹१.३४ कोटी या मागील उच्चांकापेक्षा १२% अधिक आहे.
तसेच, दिनांक २३ एप्रिल २०२६ रोजी ₹७.९१ लाख इतके एका दिवसातील सर्वाधिक उत्पन्न नोंदविण्यात आले, जे विभागाच्या सातत्यपूर्ण प्रयत्नांचे द्योतक आहे.
ही उल्लेखनीय कामगिरी तिकीट तपासणी कर्मचाऱ्यांच्या उत्कृष्ट कार्यामुळे साध्य झाली असून त्यांच्या समर्पण, शिस्तबद्धता आणि कर्तव्यनिष्ठेचा यात मोठा वाटा आहे. त्यांच्या सातत्यपूर्ण प्रयत्नांसोबतच प्रभावी समन्वय व टीमवर्कमुळे ही यशस्वी कामगिरी शक्य झाली आहे.
या यशातून विभागाचा कार्यक्षम तिकीट तपासणी, विनातिकीट प्रवासावर आळा घालणे आणि प्रवासी सेवांमध्ये सुधारणा करण्यावर असलेला भर अधोरेखित होतो.
नांदेड विभागाचे विभागीय रेल्वे व्यवस्थापक श्री प्रदीप कामले यांनी सर्व कर्मचाऱ्यांचे अभिनंदन करून आगामी काळातही अशीच कामगिरी कायम राखण्याचे आवाहन केले. विविध विभागांमधील समन्वय व व्यावसायिकतेचे त्यांनी कौतुक केले.
नांदेड विभाग सुरक्षित, कार्यक्षम व प्रवासी-अनुकूल सेवा देण्यास कटिबद्ध असून भविष्यातही अशाच प्रगतीकडे वाटचाल करीत राहील.
